(Description)

‘ကျန်ရှင်းဆွေ့’ သေဆုံးပြီးသည့်နောက်တွင်သိလိုက်ရသည်မှာ သူသည်ခွေးသွေးဝတ္ထုစာအုပ်ထဲမှ တုံးအလွန်းသည့်အမြောက်စာခံဇာတ်ကောင်လေး ဖြစ်နေသည့်အကြောင်းကိုပင်။

ဝတ္ထုထဲတွင်သူသည် သူ​၏ဆင်းရဲသောမိဘအရင်းများဆီသို့ပြန်ရန်မလိုလားပဲ ‘ကျန်မိသားစု’၏ စည်းစိမ်များကိုမက်မောကာ သခင်လေးအစစ်အမှန်ဖြစ်သော ဝတ္ထု၏အဓိကဇာတ်ဆောင်shouကို နှိပ်ကွပ်ချင်ခဲ့သည်။ သူ့​၏ဝက်ခေါင်းလိုဦးနှောက်မှထွက်သောလှည့်ကွက်များက မိသားစုဝင်အားလုံးကို စိတ်ဆိုးစေခဲ့သည်။

CEOဖြစ်သောယခင်အကိုကြီး : “ငါ့မှာမင်းလိုညီမျိုးမရှိဘူး”

Starဖြစ်သောယခင်ဒုတိယအစ်ကို : “ဒီဖျော်ဖြေရေးလောကထဲမှာ ငါအရင်ကမင်းရဲ့အစ်ကိုဖြစ်ခဲ့ဖူးတယ်ဆိုတာ ဘယ်တော့မှမပြောနဲ့”

ယခင်အဖေ : “မင်းထွက်သွားစမ်း ငါမင်းကိုအရမ်းစိတ်ပျက်သွားပြီ”

အဲ့ဒီနောက် အိမ်ပေါ်မှကန်ချခံလိုက်ရပြီး သူ​၏ဘဝမှာဆိုးရွားစွာအဆုံးသတ်ခဲ့ရပါတော့သည်။

ပြန်လည်မွေးဖွားလာပြီးနောက်တွင်တော့ ‘ကျန်ရှင်းဆွေ့’ဟာ မူလဇာတ်လိုက်shou အိမ်ပေါ်ရောက်လာသောနေ့တွင်ပင် သူ့မိဘများစကားစမပြောခင် သူကအရင်စပြီး “ဘာမှပြောစရာမလိုတော့ပါဘူး ကျွန်တော်အိမ်ပေါ်ကဆင်းပေးဖို့ဆန္ဒရှိပါတယ်” ဟုပြောလိုက်ပါတော့သည်။

သူ​၏အရင်ကအိမ်ကိုပြန်ပြီးမကြာခင်မှာပင် ဆင်းရဲသောမိဘအရင်းများကပြောလာသည်မှာ : “တောင်းပန်ပါတယ် မင်းကငါတို့သားအရင်းဖြစ်ပုံမပေါ်ဘူး”

ကျန်ရှင်းဆွေ့ : ” ? ”

နောက်တွင်တော့ ထိပ်တန်းချမ်းသာသော ‘ရှန်မိသားစု’က သူတို့၏နှစ်ပေါင်းများစွာပျောက်ဆုံးနေသောသခင်လေးကို နောက်ဆုံးမှာ ပြန်ရှာတွေ့သွားပါတော့သည်။ တစ်အိမ်သားလုံးက ဝမ်းမြောက်စွာနှင့် ဒီကလေးလေးအတွက် လိုအပ်သောအရာအားလုံးကို လုပ်ပေးရန်မစောင့်နိုင်ကြတော့ပေ။

CEOဖြစ်သောအစ်ကိုကြီးအရင်း : “ဒီမှာမုန့်ဖိုးသန်း50, မလောက်ရင်ပြော အစ်ကိုကြီးမှာရှိသေးတယ်”

Starဖြစ်သောဒုတိယအစ်ကိုအရင်း : “ဒီဇာတ်ညွှန်းတွေထဲကမင်းကြိုက်တာရွေး, မင်းအတွက်ယူထားပေးမယ်”

မိဘအရင်း : “ဆွေ့ဆွေ့ကငါတို့အတွက် တကယ့်ကိုဂုဏ်ယူစရာလေးပဲ!”

ကျန်မိသားစုက သူတို့နှင်ထုတ်လိုက်သော သနားစရာကောင်လေးကို သတိရချိန်မှာတော့ ထိုကောင်လေးဟာ အနုပညာလောကထဲမှ ကျော်ကြားနေသော ကြယ်ပွင့်အသစ်လေးဖြစ်နေသည်ကို သတိထားမိသွားပါတော့သည်။ *အဲဒါသူတို့မုန်းနေတဲ့ တုံးအလွန်းတဲ့ ညီငယ်လေးမဟုတ်လား*

____________________

Xiao Dream