Chapter 1
ဇာတ်ပို့အဖြစ် နှစ်တစ်ရာ
အပိုင်း (၁)
Author(s) 이프노스 , Hipnose
Translator Akira
ဇာတ်လမ်း အစက ပြောရမယ်ဆိုရင်တော့ ငါက အမြဲတမ်း ပျင်းစရာကောင်းတဲ့ ပုံသေကြီးအတိုင်း နေသူတစ်ယောက်ဖြစ်တယ်။ ကာတွန်းတွေ၊ ဂိမ်းတွေ၊ ဝတ္ထုတွေ ကြိုက်တဲ့ လူပေါ့။ ဒါပေမဲ့ အဲ့ဒါက ငါ့ကို တစ်ယောက်တည်းဖြစ်စေတယ်လို့ မဆိုလိုဘူး။ ငါက တက်ကြွတဲ့ ကိုယ်ရည်ကိုယ်သွေးရှိတဲ့ အတွက်ကြောင့်မို့ ငါ့မှာ သူငယ်ချင်းတွေ အများကြီး ရှိတယ်။
“ဒီနေ့ကို ငါတို့ရဲ့ နောက်ဆုံးနေ့လိုမျိုး နောင် တမရှိပဲ နေကြရအောင်”
ဒါက ငါ ငါ့သူငယ်ချင်းတွေနဲ့ အရက်သောက်ထွက်တိုင်း ကြွေးကြော်လေ့ရှိတဲ့ စကားပဲဖြစ်တယ်။ ငါက အမြဲတမ်း သူငယ်ချင်းတွေနဲ့တွေ့ပြီး ကျေနပ်စွာ အိမ်ကိုပြန်လာလေ့ရှိတယ်။
ငါမသိခဲ့တာက အဲ့ဒါက တကယ်ကို ငါ့အတွက် နောက်ဆုံးနေ့ ဆိုတာပါပဲ။ အဲ့ဒီလိုသေရတာက လုံးဝ မပြီးသေးပါဘူး။ ငါ့ရဲ့ နေ့ရက်တွေကို နောက်ဆုံးနေ့တွေလိုမျိုး နေထိုင်ခဲ့ပေမဲ့ အဲ့ဒါက ငါ့မှာ ငါ့ဘဝအတွက် ခံစားချက်တွေ ရည်မှန်းချက်တွေ မရှိဘူးလို့ မဆိုလိုပေ။ အဲ့ဒါက ငါဆက်လက် မရှင်သန်ချင်ဘူးလို့ မဆိုလိုဘူးလေ။
ငါ့ရဲ့ နောင်တတွေက ထင်ရှားတဲ့ တစ်စုံတစ်ခုကို ပြီးမြောက် အောင်မြင်ချင်တာမျိုး၊ တစ်စုံတစ် ယောက်ကို တမ်းတလိုချင်တာမျိုးတွေလို ကြီးကျယ်ပြီး ဒရမ်မာ မဆန်ပေ။ ငါက မိဘမဲ့တစ်ယောက်ဖြစ်ပြီး ငါ့နေ့ရက်တွေကို နောင်တကင်းကင်း ရှင်သန်ခဲ့တယ်။ သို့သော်လည်း ငါ ဖတ်လက်စ ဝတ္ထုရဲ့ အဆုံး သတ်ကိုတော့ အရမ်းသိချင်မိတယ်။
ငါက သေသွားတာကြောင့် အဲ့ဒါက အချည်းအနှီးဖြစ်သွားတော့တယ်။ ဒါပေမဲ့ ငါ့မျက်လုံးတွေကို တစ်ဖန်ထပ်ဖွင့်လိုက်တော့ ထူးဆန်းတဲ့မြင်ကွင်းကို တွေ့လိုက်ပြီး နောက်ပိုင်းမှ ငါကသူစိမ်းအမျိုးသမီးရဲ့ ခန္ဓာကိုယ်ထဲကို ရောက်နေမှန်း သဘောပေါက်လိုက်တယ်။ အဲ့ဒါက ‘ကူးပြောင်းခြင်း ဖြစ်စဉ်’လို့ ခေါ်တဲ့ အရာမှန်း ငါနားလည်လိုက်တယ်။ အဲ့ဒါက အခုတလော ဝတ္ထုတွေထဲမှာ အတွေ့များတယ်လေ။
အဲ့ဒါကို ဖတ်နေရင်း ငါ့ဆီမှာ အဲ့ဒီလိုမျိုး တစ်ခုခုဖြစ်လာဖို့ ငါစိတ်ကူးယဉ်ခဲ့သေးတယ်။ ဒါပေမဲ့ အဲ့ဒါက စိတ်ကူးထက်မပိုတဲ့ စိတ်ကူးလေးပါပဲ။ အဲ့ဒါက ဘဝ ခက်ခဲလာတဲ့အခါမှာ လိုချင်တဲ့ အတွေးပဲဖြစ်တယ်။ ငါ အဲ့ဒါကို ငယ်ရွယ်ပြီး ရိုးအဖြူစင်တဲ့ အချိန်တုန်းကပဲ ဆန္ဒရှိခဲ့တယ်။ ငါ အဲ့ဒါကို ဘယ်တုန်းကမှ အမှန်တကယ် ဖြစ်လာမယ်လို့ မယုံကြည်ခဲ့ပေ။
ငါက ထူးဆန်းတဲ့ သတ္တဝါတစ်ကောင်ကို ငါ့သူငယ်ချင်း အဖြစ် သို့မဟုတ် မှော်နတ်သူငယ် တစ်ကောင်ကို ငါ့အပေါင်းအဖော်အဖြစ် အဲ့ဒီလိုမဟုတ်ရင်လည်း ငါက ကမ္ဘာကြီးကို ကယ်တင်ဖို့အတွက် ရွေးချယ်ခံလိုက်ရပြီး အစစ်အမှန်နီးပါးဖြစ်တဲ့ နေရာထဲကို လူစွမ်းကောင်း တစ်မျိုးမျိုး အဖြစ် ခုန်ဝင်သွားတာမျိုးကို စိတ်ကူးယဉ်လေ့ရှိခဲ့တယ်။ ဒါပေမဲ့ ငါက အခု အသက် ၃၀ ရှိနေပြီလေ။ အဲ့ဒါမျိုးတွေ စိတ်ကူးယဉ်ဖို့အတွက် ငါက အသက်ကြီးလွန်းနေပြီ။
ငါ သက်ပြင်းချလိုက်ပြီး ငါ့ရှေ့မှာ ရှိတာကို အာရုံ စိုက်ဖို့ ကြိုးစားလိုက်တယ်။ ငါ သေသွားတာကို လက် ခံပြီး ငါ့ပတ်ဝန်းကျင်ကို ကြည့်လိုက်တော့ အိမ်က ဟောင်းနွမ်းစုတ်ပြတ်နေတာကြောင့် ငါ့ဒေါသတွေရဲ့ ဓားစာခံဖြစ်သွားတယ်။ အနံ့စွဲနေတဲ့ ဆိုဖာပေါ်မှာ လှဲပြီး ငါ့မျက်လုံးတွေကို မှိတ်လိုက်တော့တယ်။
ငါက ဝတ္ထုတစ်ခုထဲ ရောက်နေတာကို လက်ခံရမယ်။ ငါသေချာ အာရုံစိုက်စဉ်းစားဖို့ လိုတယ်။ ပထမဆုံးအနေနဲ့ ငါက အခု ဒါလီယာ အယ်လ်ရှိုင်း။ ငါ အဲ့ဒီ ဇာတ်ကောင်ကို သိတယ်။ အဲ့ဒါက ငါ ကားမတော် တဆမှုကြောင့် မသေခင်မှာ ဖတ်ခဲ့တဲ့ ဝတ္ထုထဲက ဇာတ်ကောင်လေ။ ဟုတ်တယ်။ အဆုံးသတ်မသိလို့ ငါကြေကွဲနေတဲ့ ဝတ္ထုပဲ။ ငါက အဲ့ဒီထဲကို ရောက်နေတယ်။ အဲ့ဒါက သတင်းဆိုးပဲ။ ဒါလီယာက ဆိုးဆိုးဝါးဝါးကို အရက်စွဲနေတဲ့ သူဖြစ်တယ်။ သူက အလောင်းကစားကိုလည်း စွဲလမ်းနေတဲ့ အရက်သမား တစ်ယောက်လည်းဖြစ်တယ်။
အခန်းထောင့်မှာ ပုလင်းအပုံလိုက်ကို မြင်လိုက်ရပြီး ဧည့်ခန်းရယ်၊ စင်္ကြန်ရယ်၊ အိမ်ရယ်ကို မကြည့်လိုက်ရပဲနဲ့ လှိမ့်နေတဲ့ အရက်ပုလင်းခွံတွေ ပြည့်နေမှာကို ငါသိလိုက်တယ်။ ငါ ဒီထဲမရောက်ခင်ကတောင် ဒီဟာက အရမ်းအန္တရာယ်ရှိတဲ့ ဝတ္ထုလေ။ ငါက ဘာလို့ ဒီလိုစုတ်ပြတ်ပြီး တန်ဖိုးမရှိတဲ့ ခန္ဓာကိုယ်ထဲကို ရောက်လာရတာလဲ။
ဒီဝတ္ထုသည် ဇာတ်လိုက်က မျိုးစုံသော စမ်းသပ်မှုတွေ အခက်အခဲတွေကို ဖြတ်ကျော်ပြီး အင်ပါယာ ဖြစ်လာတဲ့ အကြောင်းရေးထားခြင်း ဖြစ်တယ်။ဒီဟာက အမျိုးသား လွှမ်းမိုးတဲ့ဝတ္ထုလည်း ဖြစ်တယ်။ ဒီကမ္ဘာထဲမှာ ပျော်နေတဲ့ အမျိုးသမီးဆိုလို့ မရှိသလောက်ပင်။
“သေစမ်း”
ငါကျိန်ဆဲလိုက်မိတယ်။ အဲ့ဒီအစား အင်ပါယာရဲ့ များစွာသော မောင်းမတော်ထဲက တစ်ယောက်သာ ဖြစ်လိုက်ချင်တော့တယ်။ အဲ့ဒီလိုဆိုရင် ချမ်းသာပြီး ဇိမ်ရှိတဲ့ ဘဝကို ငါခံစားရလိမ့်မယ်။ အေးချမ်းပြီး သက်သောင့် သက်သာရှိတဲ့ ဘဝမျိုးလေးပေါ့။
နန်းတွင်းတိုက်ပွဲတွေက အတော်ပြင်းထန်ပေမဲ့လည်း အဓိကဇာတ်လိုက်နဲ့ အနေနီးတာ ပိုကောင်းမယ်လို့ ငါထင်တယ်။ ကူးပြောင်းခြင်းခံလိုက်ရတဲ့ လူတွေအကြောင်း ရေးထားတဲ့ ငါဖတ်ဖူးတဲ့ ဝတ္ထုတွေထဲမှာ ဆိုရင် အမျိုးသား ဇာတ်လိုက်နဲ့ နီးစပ်သွားရင် ဇာတ်လမ်းက ရှုပ်ယှက်ခတ်ပြီး အပြီးသတ်သွားတယ်။ တစ်ဖက်မှာလည်း ဇာတ်ကောင်က သတိရှိရှိနဲ့ ဝတ္ထုရဲ့အပိုင်းကို ရှောင်မယ်ဆိုရင်လည်း သူတို့လည်းပဲ ဆိုးဆိုးရွားရွား အဆုံးသတ်သွားမှာဖြစ်တယ်။
ထပ်ပေါင်း ပြောရရင် တစ်စုံတစ်ယောက်ရဲ့ အနှစ်သက်ဆုံး ဇာတ်ကောင်ကိုကာကွယ်တာ ဝတ္ထုထဲက တစ်စုံတစ်ယောက်ကို ကယ်ဖို့ကြိုးစားတာတွေက ဇာတ်ကောင်ရဲ့ ကံကြမ္မာ အပြောင်းအလဲနဲ့ အဓိက ဇာတ်လိုက် ဖြစ်လာမယ့်နေရာတွေကို ရှုပ်သွားစေပြီး ဇာတ်လမ်းကို ပျက်စီးစေတယ်။
ငါကတော့ အရှုပ်အရှင်းမရှိဘဲ ဘဝကို ကျေးလက်ဒေသမှာ အေးအေးချမ်းချမ်းပဲ နေသွားချင်တယ်။ အဓိကဇာတ်ကောင်တွေ တစ်ယောက်နဲ့မှ မတွေ့လေ ကောင်းလေပဲ။
လုံခြုံရေးက ပထမ။ ကျန်းမာရမယ်၊ အသက်ရှည်ရမယ်။ အဲ့ဒါက ငါအမြဲ လက်ခံယုံကြည်ထားတဲ့ဟာပဲ။
အဲ့လိုမျိုးဆိုရင် ဒါလီယာက အတော်အဆင်ပြေတဲ့ ဇာတ်ကောင်ပဲ ဖြစ်တယ်။ သူက အရေးကြီးတဲ့ ဇာတ်ကောင်တွေ အဓိကဇာတ်ကောင်တွေနဲ့ မဆုံလိုက်ရဘဲ ဝတ္ထုတစ်ခုလုံးအနေနဲ့လည်း များများစားစား မပါဝင်ပေ။ အဲ့ဒါက အနည်းဆုံးတော့ ငါဖတ်ပြီးသမျှ အပိုင်းတွေအထိတော့ မှန်နေတာပဲ။ ဒါလီယာက ဝတ္ထုနောက်ပိုင်းမှာ ပိုမို ပါဝင်လာတာလည်း ဖြစ်နိုင်ချေရှိပါတယ်။ ဒါပေမဲ့ ဒါလီယာက ဝတ္ထုရဲ့ ဒုတိယပိုင်းအဆုံးမှာတင် သေသွားတာမို့ အဲ့ဒါက မဖြစ်ဖို့ပဲ များတယ်။
ငါ အေးစက်သွားပြီး အတွေးတွေကို ဖယ်ထုတ်ကာ ခေါင်းများတယ်တယ်။ ငါ ဝတ္ထုထဲမှာ ဒါလီယာပထမဆုံး ပေါ်လာတဲ့ပုံကို မှတ်မိအောင် ကြိုးစားလိုက်တယ်။ အိုး… သူက ဇာတ်လိုက် ကျော်ဖြတ်ရတဲ့ စမ်းသပ်မှုတွေထဲက တစ်ခုပဲ။ အဲ့ဒီအပိုင်းက “Acrabရဲ့ အချိန်၊ တားမြစ်ထားတဲ့ မှော်ပညာ ထွက်ပေါ်လာခြင်း”ဆိုပြီး ခေါင်းစဉ်တပ်ထားတယ်။
ဒါလီယာက Acrabရဲ့ အရှင်မြို့စားအယ်လ်ရှိုင်း ဖြစ်ပြီး သူက အဲ့ဒီအပိုင်းမှာပဲ ဇာတ်ပို့နေရာဖြစ်လိုက်ရတယ်။ ကောင်းလိုက်တာ။ ငါက အသေးစား ဇာတ်ပို့အဖြစ် တစ်ခါပဲ ပေါ်လာမှာပေါ့။ ဒါပဲလေ။ ဒါလီယာက အဲ့ဒီအပိုင်းပြီးရင် နောက်ပိုင်း ဘယ်တော့မှ ထပ်ပေါ်လာမည် မဟုတ်တော့ပေ။ အဲ့ဒီအပိုင်းက ဇာတ်လိုက်ရဲ့ အခက်အခဲတွေနဲ့ ပတ်သတ်ပြီး အရမ်းကို ဒွိဟ ဖြစ်စေခဲ့တယ်။
ဇာတ်လိုက်က သူ့ဘာသာ ပြဿနာကို မဖြေရှင်းနိုင်တော့ရင် စုန်း(မှော်ဆရာ)ကို အကူအညီတောင်းတယ်။
ခေးချန်း တန်နေဘရေက အဓိကဇာတ်လိုက်ရဲ့ သူငယ်ချင်း၊ကြီးမြတ်တဲ့ စုန်း(မှော်ဆရာ)တစ်ယောက် ဖြစ်တယ်။ ဘယ်သူကမှ သူ့လောက် မှော်ပညာမှာ ဗဟုသုတစုံပြီး အစွမ်းမရှိပေ။ ကျန်တာဘာကိုမှ စိတ်မဝင်စားလို့ မှော်ပညာမှာ ပြီးမြောက်အောင်မြင်တဲ့ ကြီးမြတ်တဲ့ စုန်းကို သူငယ်ချင်းအဖြစ် ထားထားတာက ဇာတ်လိုက်ရဲ့ အစီအစဥ် ဖြစ်တယ်။
SWARA WEBNOVEL TRANSLATION